Logo

Təhsil naziri: "Artıq təhsil işçilərinin 80 faizi peyvənd olunub"

12.09.2021 21:59 489 baxış
IMG

"Uzun müddətdən sonra ənənəvi tədrisə başlayırıq. Tədris ilinə tam hazırıq".

Tehsil.biz xəbər verir ki, bunu təhsil naziri Emin Əmrullayev “Real TV”yə müsahibəsində deyib.

Nazir bildirib ki, bu şəraitdə başlamaq kifayət qədər məsuliyyətdir:

"Bu şəraitdə başlamaq kifayət qədər məsuliyyətdir. Ümid edirik ki, tədrisi arasıkəsilmədən başa çatdıracağıq".

E.Əmrullayev qeyd edib ki, yeni tədris ilinin şərtləndirən əsas amillərdən biri tədris işçilərinin vaksinasiya məsələsi idi:

"Artıq təhsil işçilərinin 80 faizi peyvənd olunub. Az sayda vaksin vurdurmayan təhsil işçiləri var və inanıram ki, məktəblərin açılmasına qədər vaksin olunacaqlar.  Peyvəndəmə başlanan ilk vaxtlarda nəinki müəllimlər, eləcə də bir çox vətəndaş ehtiyat edib qorxurdu. Lakin zamanla hər kəsə başa düşdü ki, pandemiyadan qurtulmağın yeganə yolu peyvənd olunmaqdır. İctimai yerdə çalışmaq o deməkdir ki, sağlamlığımıza önəm verməliyik".

"Şagirdlərə məktəbdə dərs demək müəllimlərin işidir. Peyvənd olunmayıb prosesi ləngitmək doğru deyil. Odur ki, heç bir əks-göstərişi olmayan hər kəs peyvənd olunmalıdır", -deyə nazir bildirib.

Xəbər lenti