2 dekabr tarixindən etibarən BilBacar müsabiqəsinin dekabr ayı üzrə hazırlıq mərhələsi başlayır. Bu mərhələdə qeydiyyatdan keçmiş şagirdlər şəxsi hesablarına daxil olaraq hazırlıq bölməsindəki sualları cavablandıra bilərlər. Hazırlıq bölməsində hər doğru cavab 1 balla qiymətləndirilir və tapşırıqlar 1 ay müddətində aktiv olacaq. Bildiririk ki, şagirdlərin bu bölmədə qazandıqları ballar yarış mərhələsində topladıqları ballara əlavə olunur və yanlış cavablara görə bal çıxılmır.

Qeyd edək ki, BilBacar müsabiqəsinin keçirilməsində məqsəd VIII, IX və X sinif şagirdlərinin məktəbdə qazandıqları bilik və bacarıqları real həyatda tətbiqetmə qabiliyyətini inkişaf etdirmək və onlara bu bilikləri gündəlik həyatda istifadə etmək vərdişi aşılamaqdır.