Tədris ili başlamazdan əvvəl müəllimlər və direktorlar “Rəqəmsal məktəb” platformasından istifadə üzrə təlimlərə cəlb olunmuşdular. Hazırda da müraciətlər əsasında əlavə təlimlərin təşkili davam edir.
Bu barədə sorğusuna cavab olaraq Məktəbəqədər və Ümumi Təhsil üzrə Dövlət Agentliyindən məlumat verilib. Bildirilib ki, platformanın bütün funksionallıqları üzrə müəssisə rəhbərlərinə təlimat videoları təqdim edilib.
Agentlik əlavə edib ki, “Rəqəmsal məktəb” platformasının regionlarda daha geniş istifadəsi üçün zəruri infrastrukturun qurulması istiqamətində işlər davam etdirilir. Paralel şəkildə təhsil müəssisələrinin sürətli internetə çıxışı təmin olunur, fiber-optik bağlantının əhatə dairəsi isə genişləndirilir.
