“İcmalar universitetlərin Davamlı İnkişaf Məqsədlərinin irəliləməsində mühüm rol oynayır. Onlar təkcə bilik mərkəzləri deyil, həm də güclü inkişaf ocaqlarıdır. Təhsil və tədqiqat vasitəsilə tələbələri gələcəyin liderləri kimi formalaşdırır, eyni zamanda öz regionlarında əsas iqtisadi aparıcı qüvvəyə çevirirlər”. 

TƏHSİL.BİZ xəbər verir ki, bunu “Times Higher Education”in davamlı inkişaf reytinqləri üzrə meneceri Klara Spustek Bakıda keçirilən “THE Avrasiya Universitetləri Sammiti”ndə Mərkəzi Asiya və Qafqazdakı universitetlər üçün davamlılıq təsir reytinqlərindən istifadə mövzusuna  həsr olunmuş çıxışında deyib.

O qeyd edib ki, Davamlı İnkişaf Məqsədlərinin hamısı ali təhsil müəssisələri üçün aktualdır. Çünki universitetlər daha dayanıqlı, inklüziv və firavan cəmiyyətlərin qurulmasına mühüm töhfə verir:

“Bəşər tarixinin əvvəlindən insanlar mövcudluq uğrunda mübarizə aparıblar. Bu gün isə biz mükəmməlliyin ön cəbhəsindəyik. Missiyamız inkişaf etməkdə olan şəhərlər üçün müxtəlifliyi, davamlılığı və harmoniyanı təşviq edən, ilham verən unikal çərçivələr yaratmaq və təqdim etməkdir”.