Sentyabrın 27-də Emin Əmrullayevin iştirakı ilə İqtisadi Əməkdaşlıq və İnkişaf Təşkilatının (Organisation for Economic Co-operation and Development, OECD) Baş katibinin Təhsil siyasəti üzrə xüsusi müşaviri, PISA-Beynəlxalq Şagird Qiymətləndirilməsi Proqramının (Programme for International Student Assessment) yaradıcısı və direktoru Andreas Şleyxer ilə görüş keçirilib.
Tehsil.biz xəbər verir ki, görüşdə əməkdaşlıq perspektivləri, o cümlədən PISA-nın Azərbaycan üzrə nəticələri və onların inkişaf tendensiyaları müzakirə edilib.
Qeyd edək ki, oktyabrın 1-də bir çox qlobal səviyyəli mütəxəssislərin iştirakı ilə keçiriləcək Təhsildə Yeni Çağırışlar II Beynəlxalq Forumunda Andreas Şleyxer əsas məruzə ilə çıxış edəcək.