Respublika Fənn Olimpiadasının ikiqat qızıl medalçısı Hüseyn Əbdürrəhimov müsabiqədənkənar qaydada Qarabağ Universitetinə qəbul olmaq üçün Dövlət İmtahan Mərkəzinə müraciət edib.

Bunu Qarabağ Universitetinin rektoru Şahin Bayramov sosial şəbəkədəki hesabında paylaşıb.

O qeyd edib ki, Hüseyn Qarabağ Universitetində “Tarix” ixtisası üzrə təhsil almaq istəyir.  O, Mingəçevir şəhər 20 nömrəli tam orta ümumtəhsil mrektoru əktəbinin məzunudur.

“Hüseyn RFO-da 2 dəfə (2022/2023, 2023/2024 tədris illərində) tarix fənni üzrə qızıl medal qazanıb. RFO-nun ikiqat qızıl medalçısı olan Hüseyn Əbdürrəhimovu, onun müəllimlərini və valideynlərini təbrik edir, Qarabağ Universitetini seçdiyinə görə yüksək intellektli gəncimizə təşəkkürümüzü bildirir, ona tələbəlik illərində daha böyük uğurlar arzulayırıq. RFO-da iki dəfə qızıl medal qazanan gəncin Qarabağ Universitetini seçməsi bizi qürurlandırır!”