Ev tapşırığı şagirdlərin və tələbələrin, həmçinin valideynlərin ən çox narahat olduğu məsələlərdən biridir. Saatlarla parta arxasında oturan şagirdlərin evə qayıtdıqdan sonra bəlkə də ən son məşğul olmaq istədiyi iş tapşırıq həll etməkdir.

Ənənəvi təhsilin əsas elementi kimi bilinən ev tapşırıqlarına insanların fikirləri fərqlidir. Bəziləri ev tapşırığını məktəbin zəruri hissəsi kimi görür, bəziləri isə vaxtın daha yaxşı xərclənə biləcəyinə inanır. Hər iki fikri səsləndirən insanların əsaslı arqumentləri var. Özünüzün qərar verməsi üçün məsələyə hər iki prizmadan toxunmuşuq.

Ev tapşırıqlarının tərəfdarı olan insanlar bilidirlər ki, ev tapşırığı şagird, müəllim, məktəb və valideynlər arasında əlaqə yaradır. Bu, hər kəsə bir-birini daha yaxından tanımağa imkan verir. Hansı fənləri daha rahat həll edə bildiyini müşahidə edə bilər. Ev tapşırığı öz növbəsində tələbə üçün daha yaxşı, daha məqsədyönlü təhsil planı yaratmağa imkan verə bilər. Bundan başqa, ev tapşırığı öyrənmə prosesini başa çatdırmaq üçün daha çox vaxt verir. Məktəb saatları şagirdlərin əsas anlayışları həqiqətən dərk etmələri üçün həmişə kifayət qədər vaxt olmur və ev tapşırığı zaman çatışmazlığının təsirlərinə qarşı dura bilər və bu, hazırda görə bilməsələr belə, uzunmüddətli perspektivdə şagirdlərə fayda verə bilər. Başqa bir arqument olaraq qeyd edə bilərik ki, ev tapşırıqları şagirdlərin televizor, telefon və bu kimi texnoloji vasitələrə sərf olunan vaxtı azaldır.

Məsələn, Şimali Amerikada bir çox tələbə televizora həddən artıq çox saat sərf edir. Əgər onlar məktəbdə olmasaydı, bu rəqəmlər çox güman ki, daha da artacaqdı. Ev tapşırığı adətən arzuolunmaz olsa da, bu, daha yaxşı təşviq edir və televizor qarşısında vaxt keçirməyə mane olur. Ev tapşırığı başqa bir dərsdənkənar fəaliyyət kimi qəbul edilə bilər və bir çox ailələr artıq uşaqlarının əlavə vaxtını doldurmaq üçün müxtəlif dərnəklərə və dərslərə çoxlu vaxt və pul sərf edirlər.

İstərdik ki, əks arqumentləri də diqqətinizə çatdıraq. Ev tapşırıqlarının olmasının tərəfdarı olmayanlar qeyd edir ki, uşaqlara həddən artıq ev tapşırığı verilərsə, onların kifayət qədər oyun vaxtı olmayacaq ki, bu da onların öyrənməsinə təsir göstərə bilər. Araşdırmalar göstərib ki, daha çox oyun onlara sinifdə dərsləri daha diqqət lə izləməyə kömək edə bilər. Uşaqlar artıq sinifdə uzun saatlar otururlar və ev tapşırıqları yalnız bu saatlara əlavə olunur. Oturaq həyat tərzi təhlükəli ola bilər və piylənmə kimi sağlamlıq problemlərinə səbəb ola bilər. Həmçinin bütün evlərdə sağlam mühit təmin edilmir.

Bəzi valideynlər uşaqlara heç bir dəstək göstərmir və ya ev tapşırığına kömək etmirlər, hətta istəsələr də, bir çox maneələrə görə bəzən edə bilmirlər. Bundan başqa məktəb artıq şagirdlər üçün tam ştatlı bir işdir, çünki onlar ümumiyyətlə hər gün dərsdə 6 saatdan çox vaxt keçirirlər. Şagirdlər də tez-tez ənənəvi kursları qədər vacib olan idman, musiqi və ya incəsənət kimi dərsdənkənar fəaliyyətlərə malikdirlər. Ev tapşırığı özünü kəşf etməyə və məktəb sistemindən kənarda yeni bacarıqlar öyrənmək üçün vaxta malik olmağın qarşısını alır. Bu, ev tapşırığının əsas çatışmazlıqlarından biridir.

Ev tapşırığının bütün üstünlüklərini və mənfi cəhətlərini başa düşmək, ortaq bir zəmin tapmaq üçün hər iki perspektivi analiz etmək vacibdir. Nəticədə hər kəsin bir məqsədi var, o da təhsilalanın uğurlu təhsil almasıdır.

Nağıbəyli Kənan