BMT-nin İqlim Dəyişmələri üzrə Konvensiyasının Tərəflər Konfransının 29-cu sessiyası (COP29) çərçivəsində Azərbaycana gəlmiş Palau Respublikasının Prezidenti Surangel Uipps Milli Azərbaycan Tarixi Muzeyində olub.

Muzeydən TƏHSİL.BİZ -ə bildirilib ki, Prezidentə muzeyin yeni ekspozisiyasında nümayiş olunan, Azərbaycanın zəngin tarixi və mədəni irsini əks etdirən eksponatlar barədə məlumat verilib. Muzeyin kolleksiyasında nümayiş etdirilən qədim arxeoloji tapıntılar, etnoqrafik materiallar və milli geyimlər Palau Prezidentinin xüsusi marağına səbəb olub.