Sumqayıt Dövlət Universiteti (SDU) beynəlxalq əməkdaşlıqları gücləndirmək məqsədilə  nüfuzlu universitetlərlə görüşlər həyata keçirməyə davam edir. Bu çərçivədə Özbəkistan Respublikasının qabaqcıl ali təhsil müəssisələrindən biri olan Əl-Xarəzmi adına Daşkənd İnformasiya Texnologiyaları Universiteti ilə görüş keçirilib.

SDU-dan “Azərbaycan müəllimi”nə bildirilib ki, universitet rəhbərliyi ilə keçirilən görüşdə universitet-sənaye əməkdaşlığı ilə bağlı təcrübələr, təhsildə innovativ layihələrin dəstəklənməsi, birgə elmi-tədqiqatların həyata keçirilməsi,  tələbə və akademik heyətin mübadilə proqramlarında iştirakı kimi mövzular ətrafında geniş fikir mübadiləsi aparılıb.

Sonda iki universitet arasında birgə əməkdaşlığa dair Anlaşma Memorandumu imzalanıb.