Azərbaycan Dillər Universitetinin (ADU) Mülki müdafiə və tibbi biliklərin əsasları kafedrasının müəllimi Aygün Kərimova və Tərcümə fakültəsində III kurs 348a qrup tələbələrinin birgə təşkilatçılığı ilə “COP 29 Azərbaycana baxış” adlı tədbir keçirilib.
Tədbirdə kafedra müdiri dos. Sevda Zamanova və 3-cü kurs tələbələri iştirak ediblər.
Tələbələr ölkəmizdə keçirilmiş bu möhtəşəm tədbirin əhəmiyyətindən, qarşıya qoyulan məqsəd və vəzifələri haqqında ətraflı məlumat veriblər. Həmçinin qrupda olan könüllü tələbələr- Kənan Əhmədov və Minayə Nəbiyeva konfrans haqqında təəssüratlarını bölüşüblər.
Sözügedən kafedranın müdiri COP 29-a hazırlıq dövrü ərzində ölkəmizdə aparılan hərtərəfli və geniş miqyaslı tədbirlərdən, ölkəmiz və bütün dünya üçün əhəmiyyətindən danışaraq maraqlı faktları qeyd edib.
