Elm və Təhsil Nazirliyinin tabeliyində olan bəzi elmi müəssisələr ali təhsil müəssisələrinin tabeliyinə verilib.

TƏHSİL.BİZ xəbər verir ki, bu məsələ Prezident İlham Əliyevin bu gün imzaladığı "Elm və Təhsil Nazirliyinin tabeliyindəki elmi müəssisələrin fəaliyyətinin optimallaşdırılması və səmərəliliyinin artırılması ilə bağlı əlavə tədbirlər haqqında" Sərəncamda öz əksini tapıb.

Sərəncama əsasən:

Polimer Materialları İnstitutunun Sumqayıt Dövlət Universitetinin tabeliyinə;

Nazirliyin tabeliyindəki Ekologiya və Təbii Ehtiyatlar İnstitutunun (Gəncə), Bioresurslar İnstitutunun (Gəncə), Aqrar Problemlər İnstitutunun (Gəncə), Nəbatat Bağının (Gəncə) Gəncə Dövlət Universitetinin tabeliyinə;

Nazirliyin tabeliyindəki Təbii Ehtiyatlar İnstitutunun (Naxçıvan), Bioresurslar İnstitutunun (Naxçıvan), Batabat Astrofizika Rəsədxanasının (Naxçıvan) Naxçıvan Dövlət Universitetinin tabeliyinə verilib.