Aprelin 3-də Bakı Slavyan Universitetinin (BSU) Karyera Xidməti Şöbəsinin təşkilatçılığı ilə “Yumşaq Bacarıqlar: Kreativ Düşünmə və Problemlərin İnnovativ Həlli” mövzusunda tədbir keçirilib. Tədbirin qonaq spikeri təlimçi Orxan Şahbaz olub.

600-dən çox tələbə və məzunun iştirak etdiyi tədbirin əsas məqsədi kreativ düşünmə və problemlərin innovativ həlli sahəsində bilik və bacarıqlar qazandırmaq olub.

İnteraktiv formatda təşkil edilən tədbirin sonunda iştirakçılara gələcək karyera inkişaflarında kreativ düşünmə bacarıqlarının tətbiqi ilə bağlı tövsiyələr verilib.