Martın 26-27-də Daş Salnamə Muzeyində Mədəniyyət və Sənət Moda həftəsi keçirilib. Tədbirdə Avropa və Asiyadan ölkəmizə qonaq gəlmiş 10-dan çox tanınmış dizayner iştirak edib. 

Bu barədə universitetdən TƏHSİL.BİZ -ə məlumat verilib. Bildirilib ki, tədbirdə Azərbaycan Dövlət Mədəniyyət və İncəsənət Universitetinin (ADMİU) Rəssamlıq fakültəsinin III tədris ili tələbələri Hüseynova Selbinaz, Əhmədzadə Nəzrin və məzunlar Abdullaeva Sara, Şirinova Lamiyə, Lətifə Yusifova öz kolleksiyaları ilə çıxış ediblər. Sənətşünaslıq üzrə fəlsəfə doktoru, dosent Aysel Əzizova və Sənətşünaslıq üzrə fəlsəfə doktoru, dosent Nəzakət Səfərovanın rəhbərliyi ilə hazırlanan kolleksiyalar tədbir iştirakçılarının böyük marağına səbəb olub. 

​Qeyd edək ki, gələcəkdə sözügedən Mədəniyyət və Sənət Moda həftəsinin Bakıda və Azərbaycanın digər şəhərlərində davamlı olaraq ildə iki dəfə – payız və yaz aylarında keçirilməsi planlaşdırılır.