Azərbaycan Dövlət Neft və Sənaye Universitetinin (ADNSU) Azİİ e-Kitab Evində 27 Mart  Elm gününə həsr olunmuş "Elm Günü" adlı kitab sərgisi təşkil olunub.

Universitetdən TƏHSİL.BİZ -ə bildirilib ki, sərgidə ADNSU-nun professor-müəllim heyəti tərəfindən yazılmış, bəşəriyyətin elmi-mədəni yüksəlişinə, elmin davamlı inkişafına həsr olunmuş elmi əsərlər, monoqrafiyalar yer alıb. Ümumilikdə sərgidə 46 kitab nümayiş olunub. 

Qeyd edək ki, Prezident İlham Əliyevin 2018-ci il 9 aprel tarixli Sərəncamı ilə ölkəmizdə hər il 27 mart “Elm Günü” kimi qeyd olunur.