Qarabağ Universitetinin nümayəndə heyəti İsraildə səfərdə olub.

Universitetdən TƏHSİL.BİZ -ə bildirilib ki, səfər çərçivəsində Hayfa Universiteti, Reichman Universiteti, Tel-Əviv Universiteti və Bar-İlan Universitetinin akademik heyəti ilə görüşlər keçirilib.

Görüşlərdə tərəflərin araşdırma istiqamətindəki maraqlarına uyğun mövzularda birgə tədqiqat qruplarının formalaşdırılması, akademik və tələbə heyətinin mübadiləsi, bəzi fənnlərin əyani və hibrid formada tədrisi, konfrans və digər elmi tədbirlərdə qarşılıqlı iştirak, eləcə də qabaqcıl təcrübələrin öyrənilməsi kimi məsələlər müzakirə olunub.