SABAH qrupları Azərbaycan Rəssamlıq Akademiyasının (ARA) bakalavriat səviyyəsi üzrə “Dekorativ tətbiqi sənət” (Bədii xalça) və magistr səviyyəsi üzrə “Təsviri incəsənət tarixi və nəzəriyyəsi” ixtisasının məzunu Ruhəngiz Bağırova London şəhərində “Golden Time Talent” tərəfindən keçirilən beynəlxalq rəsm sərgisində xarici rəssam jürilərin qiymətləndirilməsi ilə 300-dən çox rəsm əsərlərinin içindən yuxarı bal toplayaraq I və II yerlərin qalibi olub. 

TƏHSİL.BİZ  xəbər verir ki, I yerə “Xəzərim” adlı bədii xalça layihəsi, II yerə isə “Sehrli şəhər” adlı rəngkarlıq əsəri layiq görülüb və mükafatlandırma üçün Londona dəvət olunub.

Qeyd edək ki, R.Bağırova “Xəzərim” xalça layihəsini Əməkdar rəssam, professor Məmmədhüseyn Hüseynovun rəhbərliyi ilə buraxılış yaradıcılıq işi olaraq 2020-ci ildə hazırlayıb.