Bakı Ali Neft Məktəbinin (BANM) İngilis dili və humanitar fənlər mərkəzinin müəllimləri “British Council”ın təlim kursunu uğurla başa vurublar. Bu münasibətlə sertifikatların təqdimetmə mərasimi keçirilib. Tədbirdə BANM-in rektoru Elmar Qasımov, “British Council” təşkilatının Azərbaycan üzrə direktoru Nərgiz Hacıyeva və imtahanlar üzrə meneceri Nərgiz Əkbərova iştirak ediblər.

BANM-dən TƏHSİL.BİZ -ə bildirilib ki, tədbirdə bu ali məktəb ilə “British Council” arasındakı əməkdaşlıq əlaqələrindən danışılıb. Qeyd olunub ki, BANM IELTS imtahanlarının təşkilinə görə “British Council”un qızıl partnyoru statusunu daşıyır.

Sonda BANM-in təlimdə iştirak etmiş 16 müəlliminə sertifikat verilib. Təlimçi isə BANM-in baş müəllimi Nurlana İmanova olub.