Azərvaycan Dillər Universitetinin Filologiya fakültəsi nəzdində Xarici dillərin tədrisi metodikası kafedrasının dosenti, pedaqogika üzrə fəlsəfə doktoru Gülbəniz Camalova 14-21 noyabr 2024-cü il tarixlərində Portuqaliyanın Lissabon şəhərində təhsil səfərində olub.

Lissabon Nova Universiteti, Sosial və Humanitar Elmlər fakültəsinin professoru və Portuqaliya Müəllimlər Assosiasiyasının rəhbəri Kristin Deshampın (Christine Dechamps) dəvəti ilə  səfərdə olan Camalova universitet və məktəblərdə görüşlərdə olub. Həmçinin tədris metodikası, gələcək təcrübə mübadilə proqramları ilə tanış olmuş, universitet və müəllimlər assosiasiyaları arasında əməkdaşlıq perspektivləri ilə bağlı faydalı müzakirə və təkliflər irəli sürüb.