Azərbaycan Turizm və Menecment Universiteti İtaliyanın “Romualdo del Bianco” Fondunun təşkilatçılığı ilə Florensiyada “Life Beyond Tourism” (LBT) hərəkatı çərçivəsində keçirilən festivalda iştirak edib.

Universitetdən TƏHSİL.BİZ-ə bildirilib ki, onlayn formatda baş tutan tədbirdə Turizm biznesi kafedrasının baş müəllimi Çinarə İmamverdiyeva, Turizm və qonaqpərvərlik fakültəsinin tələbələri Fidan Əhmədova və Nihad Sadıxov “Xınalıq – buludlar içində qədim kənd” (“Khinalug – The Ancient Village in Clouds”) adlı təqdimat ediblər. Təqdimatda sivilizasiyanın ən zəngin etnoqrafik dəyərlərindən sayılan Xınalıq kəndinin tarixi, mədəni irsi, eyni zamanda, turizm potensialından danışılıb. Bu təqdimatın məqsədi kəndin zəngin mədəni irsinə və bənzərsiz təbiətinə diqqəti artırmaq olub.