Dekabrın 24-də Sumqayıt Dövlət Universitetində (SDU) Tələbə Gənclər Təşkilatı, Psixoloji Xidmət Mərkəzi və Tələbə Həmkarlar İttifaqının dəstəyi ilə “İmtahan stresi zehni proseslərin nəticəsi kimi” mövzusunda görüş keçirilib. 

Universitetdən TƏHSİL.BİZ -ə bildirilib ki, görüşdə universitetin əməkdaşları və tələbələri iştirak ediblər. Belə ki, Psixoloji Xidmət Mərkəzinin rəhbəri Aytəkin Məmmədova iştirakçılara mərkəzin fəaliyyəti barədə məlumat verib.

Psixologiya üzrə mütəxəssislər Zülfiyyə Musayeva və Kəmalə Salamova imtahan həyəcanının müsbət və mənfi tərəfləri, həlli yolları, stresin fəsadlarından danışıblar.

Görüşün sonunda tələbələrin sualları cavablandırılıb.