Fizika İnstitutunda İspaniyanın Bask Universitetinin Tətbiqi riyaziyyat kafedrasının professoru Xavier Bilbao Landaxte qonaq olub.

Bu barədə TƏHSİL.BİZ -ə institutdan məlumat verilib. İnstitutun baş direktoru akademik Arif Həşimov qonağa elmi müəssisədə görülən fundamental işlərdən, həmçinin laboratoriyalarda aparılan tədqiqat işlərindən bəhs edib. O bildirib ki, Fizika İnstitutu dünyanın bir sıra aparıcı elmi müəssisələri ilə əməkdaşlıq edir, əldə olunan elmi nəticələr yüksək impakt faktorlu jurnallarda dərc olunur.

Xavier Bilbao Bask Universiteti ilə Fizika İnstitutu arasında əməkdaşlığın məqsədyönlü olacağını qeyd edib. Tərəflər əməkdaşlığın rəsmiləşməsi istiqamətində addımların atılması qərarı veriblər.

Qeyd edək ki, Xavier Bilbao Azərbaycan Elmi-Tədqiqat və Layihə-Axtarış Energetika İnstitutuna da baş çəkib.