"İcmanın məktəbə yaxından dəstəyi olan yerlərdə təhsil nəticələri daha uğurludur".
Bunu TƏHSİL.BİZ -ə müsahibəsində Təhsildə Keyfiyyət Təminatı Agentliyinin (TKTA) İdarə Heyətinin sədri Tural Əhmədov deyib.
O bildirib ki, belə məktəblərdə məzunların əksəriyyətinin nəticəsi yüksək olur.
"Cəmiyyətdə məktəbə sahiblənmək düşüncəsi formalaşmalıdır. Bunun nəticəsi olaraq, biz məktəbə fərqli təsisat kimi deyil, öz təsisatımız kimi baxaraq təhsilə töhfə verməliyik", - deyə o qeyd edib.
