Bakı Ali Neft Məktəbinin Keyfiyyət təminatı şöbəsinə müdir təyin olunub.
TƏHSİL.BİZ xəbər verir ki, bu vəzifəyə ali məktəbin məzunu olan Aysel Rzayeva gətirilib.
Rzayeva Aysel Asif qızı 662 balla 2015-ci ildə BANM-nə qəbul olub. 2020-ci ildə kimya mühəndisliyi ixtisasını fərqlənmə diplomu ilə bitirib.
2020-2022-ci illərdə BANM Kimya mühəndisliyi-Neft və qaz texnologiyası ixtisaslaşması üzrə magistratura təhsili alıb.
Əmək fəaliyyətinə 17 sentyabr 2020-ci ildə BANM-də Kimya mühəndisliyi kafedrasında böyük laborant olaraq başlayıb, istehsalat meneceri və Keyfiyyətin təminatı şöbəsində böyük metodist vəzifələrində çalışıb.
Qeyd edək ki, ötən gün sözügedən şöbənin keçmiş müdiri, "Yüksəliş" müsabiqəsinin qalibi Güldanə Hidayətli BANM-in strateji inkişaf üzrə prorektoru təyin olunmuşdu.
