Sumqayıt Dövlət Universitetinin (SDU) Kitabxana və İnformasiya Mərkəzinə Leyla Allahverdiyeva yeni direktor təyin edilib.

Bu barədə TƏHSİL.BİZ -ə universitetdən məlumat verilib.

Bildirilib ki, Leyla Allahverdiyeva 2010-cu ildə Azərbaycan Dillər Universitetinin Filologiya fakültəsini bitirib və ADA Universitetində Təhsilin İdarə olunması üzrə magistr dərəcəsi alıb. 2013-cü ildən ADA Universitetində müxtəlif vəzifələrdə fəaliyyət göstərib.

2023-cü ildə Erasmus+ Staff Mobility Program çərçivəsində Kadir Has Universitetində kitabxana idarəçiliyinin təşkili ilə yaxından tanış olub və Antalyada keçirilmiş “Rethinking University Libraries in the 100th Anniversary of the Republic of Türkiye” beynəlxalq konfransında iştirak edib.

Qeyd edək ki, onun müəllifi olduğu “Game-based Teaching Approach in Teaching a Foreign Language in Middle Public Schools” adlı elmi araşdırma və Taylor & Francis online jurnalında dərc olunmuş “Assessing the Impact of Information Literacy Instruction on Graduate Students” məqaləsi geniş maraq doğurmuşdur.