Fizika fənni üzrə beynəlxalq olimpiadalara hazırlıq dərsləri uğurla davam etdirilir.

TƏHSİL.BİZ xəbər verir ki, bu barədə Təhsil İnstitutu məlumat yayıb.

Fizika fənni üzrə nəzəri və praktiki bilikləri artırmaq, beynəlxalq olimpiada formatına uyğun tapşırıqları həll etmək bacarıqlarını inkişaf etdirmək, eyni zamanda tədqiqat və yaradıcı düşünmə qabiliyyətlərini gücləndirmək məqsədlə fizika fənni üzrə beynəlxalq olimpiadalara hazırlıq dərsləri uğurla davam etdirilir.

Ölkə daxilində keçirilən olimpiadalar və müsabiqələr vasitəsilə istedadlı şagirdlər müəyyən edilir və onların potensialını inkişaf etdirmək üçün beynəlxalq olimpiadalara hazırlıq dərsləri təşkil olunur. Qeyd edək ki, burada 5 fənn üzrə (fizika, kimya, biologiya, riyaziyyat və informatika) xüsusi olaraq seçilmiş istedadlı şagirdlər müasir təlim metodikaları əsasında dərslərə cəlb olunur və beynəlxalq səviyyəli olimpiadalara yüksək səviyyədə hazırlaşırlar.

Dərslər interaktiv metodlarla keçirilir, şagirdlər üçün xüsusi hazırlanmış tədris materialları və laboratoriya avadanlıqları ilə təchiz edilmiş şərait təmin edilir.