Azərbaycan Dövlət Aqrar Universitetinin (ADAU) Tədris-təcrübə təsərrüfatında açıq havada Elmi Şuranın növbəti iclası keçirilib.

İclasda universitetin rektoru, AMEA-nın müxbir üzvü, professor İbrahim Cəfərov 2020/2021-ci tədris ilinin yaz semestrinin imtahan sessiyasında qarşıda duran vəzifələr barədə danışaraq, imtahanların Təhsil Nazirliyinin normativ-hüquqi sənədlərinin tələbləri əsasında keçirilməsi üçün tapşırıqlar verib.

Elmi Şurada, həmçinin yaz semestri üçün keçirilmiş tələbə məmnunluq sorğusunun nəticələri də açıqlanıb. Universitetin 3 əməkdaşına dosent elmi adının verilməsi və 1 əməkdaşının kafedra müdiri seçkisi üçün gizli səsvermə keçirilib.