Logo

“Azərbaycan mühacirət ədəbiyyat kitabxanası” seriyasından IV kitab çapdan çıxıb

08.06.2021 13:08 743 baxış
IMG

AMEA Nizami Gəncəvi adına Ədəbiyyat İnstitutunun təsis etdiyi “Azərbaycan mühacirət ədəbiyyat kitabxanası” seriyasından IV kitab – Teymur Atəşlinin “Seçilmiş əsərləri” “Elm və təhsil” nəşriyyatında çapdan çıxıb.

 

Bu barədə institutun İctimaiyyətlə əlaqələr şöbəsindən bildirilib. Ədəbiyyat İnstitutunun baş direktoru, akademik İsa Həbibbəylinin baş redaktorluğu ilə nəşr edilən seriyanın bu cildinə Azərbaycan mühacirət ədəbiyyatının tanınmış nümayəndəsi Teymur Atəşlinin şeirləri, “Stalinqrad cəhənnəmində 95 gün döyüşən türk” adlı savaş xatirələri, “Tuzaq” pyesi və publisistik məqalələri daxil edilib. Mühacir yazarın ədəbi irsi kitab halında ilk dəfə Vətənində nəşr olunur.

 

Teymur Atəşlinin “Seçilmiş əsərləri”ni ilk mənbələr əsasında tərtib edən, “Ön söz” və qeydlərin müəllifi filologiya elmləri doktoru Nikpur Cabbarlı, cildin məsul redaktoru isə filologiya üzrə fəlsəfə doktoru Arif Acaloğludur.

 

İnstitutda “Azərbaycan mühacirət ədəbiyyatı kitabxanası” seriyasının növbəti cildləri üzərində işlər davam etdirilir.

Xəbər lenti