Yerə soyuducu ölçüsündə olan asteroid düşə bilər. “Qafqazinfo” “RİA Novosti”yə istinadən bildirir ki, bunu amerikalı astrofizik Nil Deqrass Tayson iddia edir.
“Soyuducu ölçüsündə olan kosmik daş 2018VP1 asteroidi saatda 25 min mildən çox sürətlə bizə tərəf yaxınlaşır. O, noyabrın 2-də Yerə düşə bilər”, - o deyib.
Tayson qeyd edib ki, asteroid Yer kürəsinə ziyan vuracaq qədər böyük ölçüdə deyil. “Beləliklə, əgər dünyanın sonu 2020-ci ildə baş verərsə, bu, kainatın təqsiri üzündən olmayacaq”, - deyə o əlavə edib.
