Azərbaycan Dövlət Aqrar Universitetinin (ADAU) fəal əməkdaşlıq etdiyi Sloveniyanın Nova Qoritsa Universitetinin prorektoru, ADAU-nun Fəxri doktoru, professor Mladen Franko universitetə məktub yazaraq Ermənistan silahlı qüvvəllərinin dinc insanları, Gəncə şəhərinin əhalisini raket atəşinə tutmasını pislədiyini, belə halların təkrar olunmayacağına ümid etdiyini və dəstəyini bildirmişdir.
O, həmçinin qeyd edib ki, yalnız faşizmə qarşı deyil, bütün xalqların azadlğı və qardaşlığı uğurunda mübarizə aparmış Azərbaycan xalqının qəhrəman oğlu Mixaylonun (Mehdi Hüseynzadənin) qəhrəmanlığını dost Sloveniya xalqı heç vaxt unutmayacaqdır.
