Zoologiya İnstitutunun Quru onurğalıları laboratoriyasının böyük elmi işçisi, biologiya üzrə fəlsəfə doktoru Esmira Məmmədrzayeva, doktorantlar Leyla Həsənova və İlahə Kərimova Şamaxı və İsmayıllı rayonlarında ekspedisiyada olublar.

İnstitutdan Tehsil.biz-ə bildirilib ki, ekspedisiya müddətində Şamaxı rayonunun ətrafında yerləşən taxıl əraziləri, həmçinin İsmayıllı rayonunun Qara-Qaya, Talıstan, Çəmənli kəndlərinin ərazilərindəki çəmənliklər, meşəətrafı sahələr, talalar müəyyən edilərək materiallar toplanıb. Alimlər mövzularına uyğun olaraq meşə siçanı və çöl siçanı növlərinə aid material toplayaraq tədqiq etmək üçün laboratoriyaya gətiriblər.