Xəzər Universitetinin Tarix və arxeologiya departamentinin müəllimi Telman Nüsrətoğlunun “Osmanlı Hariciyesi’nin Güney Kafkasya Raporları (1852-1914)” (Osmanlı Xaricilərinin Cənubi Qafqaz Hesabatları) kitabı Türkiyədə çapdan çıxıb.
Universitetdən bildirilib ki, kitabda türk-islam dünyasının son dünyəvi dövləti olan, yüzilliklər boyunca müxtəlif dillərə, dinlərə və mədəniyyətlərə sahib bir çox xalqı böyük tolerantlıqla bayraqları altında birləşdirmiş Osmanlı dövlətinin 1852-1914-cü illər tarixi işıqlandırılır. Kitabda Osmanlı Xarici İşlər Nazirliyinin Cənubi Qafqazdakı fəaliyyətini işıqlandıran çox vacib Şahbender sənədləri ilk dəfə yayımlanır.
