SABAH məzunlarından ibarət "Təbəssüm" komandası Bakı Dövlət Universiteti (BDU), Azərbaycan Dövlət Neft və Sənaye Universitetinin (ADNSU)  xüsusi ehtiyacı olan istedadlı SABAH tələbələrinə təqaüd qazanmaq imkanı yaradıb. 

Tələbələrin seçimi 2 mərhələ (onlayn müraciət və onlayn müsahibə) üzrə aparılıb. BDU-nun tələbələri Xatirə Baloğlanova, Leyla Mirzəyeva, Simarə Məmmədova və ADNSU-nun tələbəsi Musa Cahangirzadə  təqaüd qazanmaq imkanı əldə edib. 

Bundan əlavə, SABAH məzunları cəbhə bölgəsində yaşayan, ADNSU-nun "Proseslərin avtomatlaşdırılması mühəndisliyi" ixtisası üzrə təhsil alan SABAH tələbəsi Elbrus Ağayevin ixtisası üzrə əlavə təhsil xərclərini qarşılamağı da öz üzərlərinə götürüblər.