Azərbaycan Prezidenti İlham Əliyevin məlum Sərəncamı ilə 2021-ci ilin Azərbaycanda “Nizami Gəncəvi İli” elan edilməsi ilə görülən tədbirlərin davamı olaraq Azərbaycan-Kipr Dostluq Cəmiyyətinin təşkilatçılığı ilə Türkiyənin Bursa şəhərində dahi Azərbaycan şairi Nizami Gəncəviyə həsr olunmuş beynəlxalq konfransın açılışı olub. İyulun 30-dək davam edəcək beynəlxalq konfrnas bir neçə elmi paneldən ibarətdir.
AZƏRTAC xəbər verir ki, dünyanın altı ölkəsini təmsil edən yetmişdən çox nümayəndənin, o cümlədən görkəmli ədəbiyyatçıların və Nizamişunas tədqiqatçıların qatılımı ilə keçirilən mərasim şəhidlərimizin əziz xatirəsinin bir dəqiqəlik sükutla yad edilməsi ilə başlanıb.
Sonra Azərbaycan və Türkiyənin dövlət himnləri səsləndirilib.
Konfransın açılşında Bursa Uludağ Universitetin (UU) rektoru Saim Kılavuz, Bursa Böyükşəhər bələdiyyəsinin sədri Alinur Aktaş, Azərbaycan Milli Məclisinin deputatı, Nizami Gəncəvi adına Milli Azərbaycan Ədəbiyyatı Muzeyinin direktoru, AMEA-nın həqiqi üzvü, akademik Rəfael Hüseynov, Türkiyə Prezidenti yanında Təhlükəsizlik və Xarici Siyasət Şurasının üzvü, Türkiyə-Azərbaycan Dostluq, Əməkdaşlıq və Həmrəylik Fondunun sədri, professor Aygün Attar, Nizami Gəncəvi Beynəlxalq Mərkəzinin Baş icraçı direktoru Elnur Əliyev, Azərbaycanın TÜRKSOY-dakı təmsilçisi Elçin Qafarlı, Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov və Azərbaycan-Kipr Dostluq Cəmiyyətinin sədri Orxan Həsənoğlunun çıxışları dinlənilib.
Çıxışlarda dahi şairin həyat və fəaliyyəti, nair yaradıcılıq üslubunun dünya ədəbiyyatına bəxş etdiyi dəyərlər əhrafında fikir və mülahizələr iştirakçılara çatdırılıb.
Prezident İlham Əliyevin məlum Sərəncamı ilə 2021-ci ilin Azərbaycanda “Nizami Gəncəvi İli” elan edilməsi ilə təkcə Nizami Gəncəvinin yaradıcılığına və şəxsiyyətinə deyil, ümumilikdə ədəbiyyata, fikir adamlarına, görkəmli şəxsiyyətlərə verilən dəyər kimi dəyərləndirilib.
Çıxışlarda diqqətə çatdırılıb ki, müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun qazandığı rəşadətli qələbə sayəsində ərazi bütövlüyümüzün bərpasının regionda yaratdığı situasiyanın mədəniyyətimizin, eləcə də zəngin ədəbiyyatımızın, tarixi şəxsiyyətlərimizin təbliği və inkşafı üçün də yeni bir mərhələ yaranıb. Bu fürsət və şansdan məharətlə istifadə edilməsi bütün türk dünyası üçün səmərəli nəticələr verəcək, dünyada ədəbiyyatın və tarixi şəxsiyyətlərin qarşılıqlı tanınmasına böyük töhfə olacaqdır. Qazanılmış böyük tarixi Zəfər belə tədbirlərin keçirilməsinə xüsusi əzəmət verir.
Daha sonra konfrans öz işini panellərlə davam etdirib. Birinci paneldə professor Mehmet Yücenin moderatorluğu ilə baş tutan paneldə məruzəçi olan akademik Rafail Hüseynov, AMEA-nın müxbir üzvü Cəfər Qoyasi, professor Şahin Fazil, professor Ramazan Korkmaz, dosent Yusif Alıyev dahi Nizaminin yaradıcılığındakı, nümunələrdən, bəşəri koloritlərdən bəhs edilib. Həmçinin
“Nizami Gəncəvi İli” çərçivəsində görülən işlər, o cümlədən əsərlərinin müxtəlif dillərdə nəşri, rəsm sərgiləri barədə geniş məlumat verilib.
Çıxışçılar böyük filosof, mütəfəkkir və ədib kimi tünya xalqlarının sevinlisinə çevrilən Nizami Gəncəvinin zəngin mənalı həyat və fəaliyyəti, əsərlərinin dünya dillərinə tərcüməsi və yayılması, səhnələşdirilməsi və filimlərin çəkilməsi mövzuları təhlil olunacaq.
Qeyd edək ki, konfrnas çərçivəsində Beynəlxalq Türk Mədəniyyəti Təşkilatı (TÜRKSOY) tərəfindən Nizami Gəncəvinin əsərləri əsasında çəkilmiş rəsm əsərlərindən ibarət sərginin açılışı olub. Sərgi iyulun 30-dək ziyarətçiləri qəbul edəcək.
Azərbaycan şairi Nizami Gəncəviyə həsr olunmuş Bursa beynəlxalq konfransın keçirilməsinə Bursa Böyükşəhət Bələdiyyəsi, Bursa Uludağ Universiteti, Azərbaycan Diasporla İş üzrə Dövlət Komitəsi, Azərbaycan Nizami Gəncəvi adına Milli Azərbaycan Ədəbiyyatı Muzeyi, Türkiyə-Azərbaycan Dostluq, Əməkdaşlıq və Həmrəylik Fondu, AMEA Nizami Gəncəvi adına Ədəbiyyat İnstitutu və digər qurumlar tərəfindən dəstək verilib.
