10 avqust saat 15:00-da DİM-in “Facebook” səhifəsi vasitəsilə  “Dövlət qulluğuna dair qanunvericiliyə edilmiş dəyişikliklər və tətbiqi məsələləri” mövzusunda canlı yayım təşkil olunacaq.

Canlı yayım zamanı DİM Direktorlar Şurasının sədr müavini Bəhram Xəlilov, Hüquqi təminat və insan resursları şöbəsinin müdiri Nərminə Bayramova və Dövlət qulluğu məsələlələri şöbəsinin müdiri Vüqar Əsgərov tərəfindən dövlət qulluğuna qəbul, qanunvericiliyə edilmiş dəyişikliklər, dövlət qulluğunda fəaliyyətin davam etdirilməsi, qulluqda yüksəliş, ehtiyat kadrların idarə edilməsi və dövlət qulluğuna qəbulla bağlı digər məsələlər barədə ətraflı məlumat veriləcək və izləyicilərin bu mövzuda sualları cavablandırılacaq.