Ölkənin bütün şəhər və regionlarında həmçinin ilk dəfə olaraq Naxcıvanda dövlət ümumtəhsil məktəblərində təşkil olunan məktəbəqədər hazırlıq qruplarına ərizələrin onlayn qeydiyyatı başlanılıb. Avqustun 12-si saat 11:00 dan etibarən isə məktəb seçiminə start veriləcək.
Digər dillərdə aparılan məktəbə hazırlıq qruplarına qəbul zamanı hər hansı müsahibə keçirilmir. Eyni zamnda bəzi inteqrasiya təlimli internat məktəblərində də uşaqların məktəbəhazırlıq qruplarına qəbulu eyni qaydada proqram təminatı vasitəsi ilə aparılır.
Qruplarda tədris 12 saat olmaqla həftədə 4 dəfə, 30 dəqiqə ərzində təşkil olunur. Burada savad təlimi, məntiqi təfəkkürün formalaşdırılmasına xüsusi önəm verilir. Nəticədə uşaqlar gələcək tədris ilinə psixoloki hazır olurlar.
Qeyd edək ki, saat 11:00 da başlayan məktəbəqədər hazırlıq qruplarına saat 13:00-dək 17 mindən artıq valideyn qeydiyyatdan keçərək şəxsi kabinet yaradıb.
