Ali təhsil müəssisələrinə qəbul olmaq istəyən subbakalavrların qeydiyyat müddəti avqustun 16-sı saat 23:59-dək uzadılıb.

Tehsil.biz Dövlət İmtahan Mərkəzinin (DİM) saytına istinadla xəbər verir ki, bu gün saat 13:45-dək subbakalavrların elektron ərizələrinin ümumi sayı 19674 olub. Təsdiq olunan elektron ərizələrin sayı isə 18940-dır. Subbakalavrlar Dövlət İmtahan Mərkəzinin internet saytının ekabinet.dim.gov.az səhifəsində “Şəxsi kabinet” yaratdıqdan sonra elektron ərizə formasını təsdiq edirlər.

Qeyd edək ki, ali təhsil müəssisələrinə tələbə qəbulu ilə bağlı subbakalavrların ərizələrinin qəbulu iyulun 8-dən etibarən internet vasitəsilə aparılır və avqustun 10-u saat 23:59-dək davam etməli idi.