Azərbaycan Dövlət Neft və Sənaye Universiteti (ADNSU) nəzdində fəaliyyət göstərən Azərbaycan-Fransız Universitetinin (UFAZ) 2021-2022-ci tədris ili üçün bakalavriat pilləsinə onlayn qeydiyyat başa çatıb.

UFAZ-dan bildiriblər ki, bu ali məktəbə daxili qəbul imtahanı avqustun 18-də keçiriləcək.

Azərbaycan-Fransız Universiteti 4 ixtisas üzrə (kompüter elmləri, neft-qaz mühəndisliyi, kimya mühəndisliyi, geofizika və geologiya mühəndisliyi) bakalavr və 3 ixtisas üzrə magistr (fiziki kimya və kimya mühəndisliyi, yer elmləri və Big Data və süni zəka) proqramları təklif edir.

UFAZ məzunları təhsillərini başa vurduqda ADNSU ilə yanaşı, Fransanın Strasburq və Renn 1 universitetlərinin də diplomlarını alır.