(BDU-nun ixtisasları)

Əziz abituriyentlər!

Ali təhsil müəssisələrinə qəbul olunmaq üçün ixtisas seçimi avqustun 20-dən 30-dək internet vasitəsilə aparılacaq. Bu müddət ərzində müsabiqədə iştirak etmək hüququ qazanmış abituriyentlərin qarşısında öz ixtisas seçiminə bir daha nəzər salmaq, seçimini dəqiqləşdirmək və təsdiqləmək vəzifəsi durur. İxtisas seçimi Dövlət İmtahan Mərkəzinin rəsmi saytı vasitəsilə elektron qaydada aparılır və texniki cəhətdən bu prosesi həyata keçirmək çox sadədir. Proqram təminatı elə qurulub ki, abituriyentin səhv etmək ehtimalı yoxdur və ərizəni yadda saxla düyməsini basdıqda səhv və onun mahiyyəti barədə xəbərdarlıq edilir.

DİM tərəfindən abituriyentlərə kömək etmək məqsədilə II və III ixtisas qrupları üzrə “İxtisas seçimi zamanı nələrə diqqət yetirməli?” adlı vəsaitlər də nəşr edilib. Yaxın günlərdə I və IV ixtisas qrupları üzrə də müvafiq kitabçalar nəşr olunacaq. Bu kitabçalarda müsabiqə şərtləri, ixtisas qrupları üzrə plan yerləri, müsabiqədə iştirak edən abituriyentlərin imtahan nəticələrinin bal intervalları üzrə paylanması və s. məlumatlar öz əksini tapıb.

“Abituriyent Məsləhət Mərkəzləri” qeyd olunan ünvanlarda həftənin 5 günü (şənbə, bazar günləri istisna olmaqla) saat 10:00-dan 17:00-dək fəaliyyət göstərir.

Əziz abituriyentlər!

Sizi gələcək həyatınızda mühüm rol oynayacaq bugünkü ixtisas seçimizdə Bakı Dövlət Universitetini seçməyə, təhsilinizi Ulu Öndər Heydər Əliyevin “Azərbaycan xalqının, Azərbaycan Respublikasının milli sərvəti, milli iftixarı” adlandırdığı, ölkəmizin ən qocaman və ən böyük ali təhsil müəssisəsində, öz klassik ənənələri və nailiyyətləri olan, müasir islahatlarla yeniləşən, zəngin tarixə malik Universitetdə davam etdirməyə çağıırırq.

Bu gün BDU 16 fakültəsi, 120 kafedrası, 2 elmi-tədqiqat institutu, 3 elmi-tədqiqat mərkəzi, ən müasir avadanlıqlarla təchiz olunmuş elmi-tədqiqat laboratoriyaları, Qazax filialı, İqtisadiyyat və Humanitar Kolleci, “Gənc istedadlar” liseyi və s. ilə ölkəmizdə elm və təhsilin inkişafında mühüm rol oynayır.

Hazırda BDU yüksəkixtisaslı kadrların hazırlanması istiqamətində uğurlu islahatlar aparır. ABŞ-ın məşhur “BLACKBOARD” tədrisin idarə edilməsi sisteminin tətbiqi ilə tədris prosesinin təşkili və idarəolunmasını təkmilləşdirir. Təhsilin keyfiyyətinin yüksəldilməsi, elmin sənayeyə tətbiqi, tələbələrin öz nəzəri biliklərini təcrübədə tətbiq etmə imkanının yaradılması üçün mühüm addımlar atılır. Dünyanın nüfuzlu 7 universiteti ilə ikili diplom proqramları həyata keçirir.

Əziz abituriyentlər, sizi elmin sirlərinə BDU-da yiyələnməyə, BDU Ailəsinin üzvü olmağa dəvət edirik!

BDU-da 2021/2022-ci tədris ili üçün bakalavriat səviyyəsi üzrə

qəbul aparılan  ixtisaslar