Keçən il şagirdlərinin göstərdikləri imtahan nəticələrinə görə respublikada ilkə imza atan Sumqayıtın məşhur ingilis dili müəllimi Ramal İsmayılov daha bir yenilik edib.

"Qafqazinfo" xəbər verir ki, R. İsmayılovun 17 illik fəaliyyəti dövründə ona uğur gətirən proqramın artıq kitab versiyası oxucuların ixtiyarına verilib. Kitabın özəlliyi ondadır ki, onun üzərindəki QR kod vasitəsilə yutub portalına daxil olub dərsləri video formatda izləmək mümkündür. Bu yenilik də hələ ki, ölkəmizdə ilk dəfədir tətbiq olunur. 

Qeyd edək ki, müəllifin məqsədi onun uğurlu dərslərindən təkcə Sumqayıt və Bakının deyil, hətta respublikanın bütün rayon və şəhərlərindəki məktəblilərin, müəllimlərin yararlanmasıdır. 

Xatırladaq ki, keçən il R. İsmayılovun şagirdlərindən tam 27 nəfəri qəbul imtahanlarından (2 nəfər də apelyasiya şikayətindən sonra) 100% nəticə toplayıb.