Ordubad şəhər Məhəmməd Füzuli adına tam orta internat məktəbinin məzunu Səkinə Yusifzadə I ixtisas qrupu üzrə 599 bal toplayıb.
Tehsil.biz xəbər verir ki, Səkinə ali məktəblərə ixtisas seçimi zamanı Riyaziyyat-informatika müəllimliyi ixtisasını seçərək Naxçıvan Dövlət Universitetinin tələbəsi olmaq arzusundadır.
Dəstə kənd tam orta məktəbinin məzunu Nobat Nəbiyeva III ixtisas qrupu üzrə 578 bal toplayıb.
Onun dediklərindən: “Orta təhsili başa vurduğum Dəstə kənd tam orta məktəbində oxuduğum illərdə müəllimlərimizin bizə diqqəti, qayğısı, valideynlərimin dəstəyi arzularımın gerçəkləşməsinə stimul yaratdı, sabaha böyük ümidlər verdi. Hələ orta məktəb illərində vətəndaşların hüquqlarını, qanunlarımızın aliliyini qorumaq ən ümdə arzum, istəyim olub. Qəbul imtahanlarında topladığım 578 balla ixtisas seçimi edərək Naxçıvan Dövlət Universitetinin Hüquq fakültəsinin tələbəsi olmaq arzusundayam".
