Dövlət İmtahan Mərkəzi (DİM) ali təhsil müəssisələrinin musiqi müəllimliyi ixtisasına qəbul olmaq üçün rus bölməsi üzrə qeydiyyatdan keçən abituriyentlərə müraciət edib.

DİM-dən bildirilib ki, 2021/2022-ci tədris ili üçün ali təhsil müəssisələrinin qəbul planında musiqi müəllimliyi ixtisasının rus bölməsi üzrə plan yerləri nəzərdə tutulmadığına görə musiqi müəllimliyi ixtisasına qəbul olmaq üçün rus bölməsi üzrə qeydiyyatdan keçən abituriyentlərin həmin ixtisasın Azərbaycan bölməsinə aid ixtisaslarını seçməsinə icazə verilir.