Azərbaycan Texniki Universitetinin (AzTU) Karyera Mərkəzinin əməkdaşlarının təşəbbüsü ilə Sumqayıtdakı “Vəliyev” MMC-də Metallurgiya və materialşünaslıq fakültəsinin IV kurs tələbələri və məzunları üçün “Karyera günü” keçirilib.
AzTU-dan Tehsil.biz-ə bildirilib ki, əvvəlcə iştirakçıların ixtisas bilikləri yoxlanılıb, müəssisənin işə qəbul komissiyasının üzvləri tərəfindən müvafiq qiymətləndirilmə aparılıb. Müsahibəni uğurla keçən universitetin 4 məzunu şirkətdə işə qəbul olunub.
Qeyd edək ki, “Vəliyev” MMC 6 zavod kompleksindən ibarətdir. Burada metaltökmə, qəlib, maşınqayırma dəzgahlarının idarə olunması və plastik avadanlığın istehsalı həyata keçirilir.
