Sumqayıt Dövlət Universitetinin 2021-2022-ci tədris ili üzrə qəbul planında I ixtisas qrupu üzrə 206 yer boş qalıb.

Tehsil.biz bildirir ki, bu barədə məlumat “Abituriyent” jurnalının 7-ci nömrəsində dərc olunub.

Universitetdə fizika müəllimliyi, riyaziyyat müəllimliyi, fizika, riyaziyyat, energetika mühəndisliyi, kimya mühəndisliyi, mühəndis fizikası və proseslərin avtomatlaşdırılması mühəndisliyi ixtisasları üzrə təhsil almaq istəyənlər boş qalan plan yerlərinə internet vasitəsilə ixtisas seçimi edə bilərlər. Universitetdə II ixtisas qrupu üzrə coğrafiya müəllimliyi, tarix və coğrafiya müəllimliyi, sosiologiya, beynəlxalq ticarət və logistika ixtisasları üzrə 52 yer boş qalıb.

Xatırladaq ki, ali məktəblərin boş qalan plan yerlərinə ixtisas seçimi internet vasitəsilə sentyabrın 10-dək aparılacaq. Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı, orta ixtisas təhsili müəssisələrinin (kolleclərin) ixtisaslarının da kodlarını göstərə bilərlər.