Bakı Dövlət Universitetinə (BDU) qəbul olan abituriyentlərin qeydiyyat prosesi onlayn qaydada davam edir.
BDU-ya qəbul olmuş 5367 abituriyentdən bu günə qədər 1800 nəfəri portal.edu.az saytı vasitəsilə artıq qeydiyyatdan keçmişdir.
Qeyd edək ki, Universitetdə qeydiyyat prosesində yaranmış çətinliklərin aradan qaldırılması və müraciətlərə fərdi qaydada baxılması üçün işçi qrup yaradılmışdır. İşçi qrup meydana çıxan çətinlikləri operativ aradan qaldıraraq abituriyentlərin qeydiyyatdan keçməsinə yardım göstərir.
