Logo

Dini Qurumlarla İş üzrə Dövlət Komitəsi yanında İctimai Şuranın hesabat iclası keçirilib

10.09.2021 19:50 111 baxış
IMG

Sentyabrın 10-da Dini Qurumlarla İş üzrə Dövlət Komitəsi (DQİDK) yanında İctimai Şuranın hesabat iclası keçirilib.

Hesabatdan öncə Dini Qurumlarla İş üzrə Dövlət Komitəsinin sədr müavini Gündüz İsmayılov çıxış edərək dövlət başçısı tərəfindən Azərbaycanda vətəndaş cəmiyyəti institutlarının fəaliyyətinin genişləndirilməsindən, qeyri-hökumət təşkilatlarının dövlət idarəçiliyi və qanun yaradıcılığı prosesinin iştirakçısına çevrilməsindən danışıb. Dövlət Komitəsinin qeyri-hökumət təşkilatları ilə yaxından əməkdaşlıq etdiyini diqqətə çatdıran G.İsmayılov İctimai Şuranın bu sahədə gördüyü işlərin əhəmiyyətindən söhbət açıb, İctimai Şura üzvlərinə üzvlük vəsiqələrini təqdim edib. 

Daha sonra İctimai Şuranın Hesabat iclası keçirilib. Şura sədri Sevinc Alızadə 5 aylıq Hesabatı təqdim edərək, görülən işlərdən və təşkil edilən görüşlərdən danışıb. İclasda həmçinin, İctimai Şuranın cari məsələləri müzakirə edilib, görüləcək işlər ilə bağlı rəy və təkliflər səsləndirilib.

Xəbər lenti