Azərbaycan Əmək və Sosial Münasibətlər Akademiyasının (AƏSMA) “Ümumi fənlər” kafedrasının müəllimi Şərafəddin Fərman oğlu Şərifov dünyasını dəyişib.

Tehsil.biz xəbər verir ki, Ş.F.Şərifov 1955-ci il fevralın 20-də Quba rayonunun 2-ci Nügədi kəndində anadan olmuş, 1978-ci ildə Saratov Hüquq institutunda "Hüquq" fakültəsinə daxil olmuş və 1980-ci ildə təhsilini başa vurmuşdur. 

2010-ci ildən Azərbaycan Əmək və Sosial Münasibətlər Akademiyasında pedaqoji fəaliyyətlə məşğul olmuşdur. Daha sonra təlimatçı və müəllim vəzifələrində çalışmışdır.

Allah rəhmət eləsin.