Ömrünün 53 ilini elmə həsr edən tarix üzrə fəlsəfə doktoru, dosent Allahverdi Hüseynovun pedoqoji əmək fəaliyyətinin sona çatması ilə bağlı görüş keçirilib.
Tehsil.biz xəbər verir ki, Muxtar Respublikada tarixçi kadrların yetişməsinə mühüm töhfələr verən Allahverdi müəllim əmək fəaliyyəti dövründə cəmiyyətdə dəyərli ziyalı, tələbkar, səmimi, qayğıkeş bir müəllim və diqqətcil pedoqoq kimi iz qoyub.
Universitetdə dərs dediyi illər ərzində ali təhsil ocağında dekan, dekan müavini və kafedra müdiri vəzifələrində çalışan, 51 elmi məqalənin, 5 kitabin müəllifi Allahverdi Hüseynovun əməyi dövlət tərəfindən yüksək qiymətləndirilərək 2008-ci ildə çoxillik elmi fəaliyyətinə görə Azərbaycan Respublikası Təhsil nazirliyi və universitetin fəxri fərmanına, 2017-ci ildə Azərbaycan Respublikasının Əməkdar müəllimi fəxri adına layiq görülüb.
Görüş zamanı təqaüdə ayrılan Allahverdi Hüseynova universitetin fəxri fərmanı və xatirə hədiyyələri də təqdim olunub.
