Azərbaycan Universiteti Həmkarlar İttifaqı Komitəsinin (AU HİK) sədri Cabbar Yunis oğlu Mahmudov Azərbaycan Təhsil İşçiləri Azad Həmkarlar İttifaqının (ATİAHİ) yaradılmasının 100 illiyi münasibətilə həmkarlar ittifaqı hərəkatında xidmətlərinə görə “Yubiley döş nişanı” ilə təltif olunub.

Bu barədə Tehsil.biz-ə universitetdən məlumat verilib.

Bildirilib ki, Azərbaycan Təhsil İşçiləri Azad Həmkarlar İttifaqı 1920-ci ilin iyunun 9-da yaradılıb və yarandığı vaxtdan müəllimlərin, təhsil sahəsində çalışan işçilərin əmək və sosial hüquqlarının qorunmasında, onların asudə vaxtının səmərəli keçirilməsində, istirahətlərin təşkilində xidmətləri olub.