Logo

İbtidai siniflər üçün innovativ “Azərbaycan dili” dərsliyi ilə bağlı vebinar təşkil olunacaq

27.09.2021 18:16
IMG

Təhsil İnstitutu sentyabrın 29-da “İbtidai siniflər üçün innovativ “Azərbaycan dili” dərsliyi: dilin tədrisində yeni yanaşmalar, qarşıya çıxan problemlər və onların aradan qaldırılma yolları” adlı vebinar təşkil edəcək.

İnstitutdan bildirilib ki, vebinarın moderatoru Tədris resursları şöbəsinin müdiri pedaqogika üzrə fəlsəfə doktoru, dosent Rasim Abdurazaqov, spikerlər ibtidai siniflər üçün “Azərbaycan dili” dərslik komplektinin müəlliflər qrupunun rəhbəri, filologiya üzrə fəlsəfə doktoru Rafiq İsmayılov, Sumqayıt şəhəri Nəsirəddin Tusi adına 12 saylı tam orta məktəbin ibtidai sinif müəllimi Zöhrə Məmmədova və Tədris resursları şöbəsinin əməkdaşı, dərslik komplektinin həmmüəllifi Aysel Xanalıyeva olacaq.

Vebinarın keçirilməsində əsas məqsəd müəllimləri, valideynləri və ibtidai təhsil mütəxəssislərini “Azərbaycan dili” dərslik komplektinin yenilənməsinin hansı zərurətdən irəli gəlməsi ilə tanış etmək, dərslik komplektinin quruluşu, məzmunu və təlim metodikasındakı innovativ yanaşmaların xüsusiyyətləri haqqında məlumat vermək və ictimaiyyəti maraqlandıran sualları cavablandırmaqdır.

Tədbir institutun feysbuk səhifəsi üzərindən canlı yayımlanacaq.

Xəbər lenti