Sentyabrın 22-də Azərbaycan Dövlət Pedaqoji Universitetində (ADPU) Birgə Yardım Təşkilatının (UAFA) Azərbaycandakı direktoru Qvendolun Börçel, Corctaun Universitetinin professoru Toby Long ilə görüş keçirilib.

Tehsil.biz xəbər verir ki, görüşdə ADPU-nun rektoru professor Cəfər Cəfərov, Tədris işləri üzrə prorektoru, dosent Eldar Aslanov, Təlim-tədris mərkəzinin müdiri Xalidə Həmidova, Xarici Dillər Mərkəzinin müdiri Ülviyyə Hacıyeva, Beynəlxalq əlaqələr şöbəsinin əməkdaşı Günay Məhərrəmova,  UAFA təşkilatının əməkdaşları Ülviyyə Mirzəyeva, Çingiz Rəhmanov iştirak ediblər.
Görüşdə rektor Cəfər Cəfərov universitetin tarixi, tədris prosesi, tələbə həyatı, qarşıda duran vəzifələr, aparılan islahatlar, ölkədə müəllim peşəsinə olan maraq və tələblər haqqında məlumat verib.

Görüşdə Corctaun Universiteti ve UAFA təşkilatının əməkdaşlığı ilə həyata keçirilən CHED kursu ve kursun həyata keçirilməsində ADPU ilə əməkdaşlıq, UAFA təşkilatı və ADPU arasında təlim sahəsində digər əməkdaşlıq yolları, ADPU və Corctaun universitetinin əməkdaşlığı məsələləri müzakirə edilib. 

Görüşün sonunda qonaq göstərilən diqqətə və əməkdaşlığa görə rəhbərliyə təşəkkür edib.